Azərbaycan, Bakı, 28 dekabr /Trend, müxbir N.İsmayılova/
Noyabrda Azərbaycanda mənfəətlə işləyən bankların sayı 31 olub, 2009-cu ilin noyabrı ilə müqayisədə altı bank artıb, əvvəlki ayla müqayisədə isə dəyişilməz qalıb. Bu barədə bazar ertəsi Azərbaycan Mərkəzi Bankından (AMB) məlumat verilib.
Bank sisteminin ümumi mənfəəti 2009-cu ilin noyabrı ilə müqayisədə təxminən 53,4 faiz azalıb, əvvəlki ayla müqayisədə isə 17,6 faiz artaraq 109,05 milyon manat təşkil edib.
Oktyabra nisbətən zərərlə işləyən bankların sayı ötən ilin oktyabrı ilə müqayisədə dəyişilməz qalıb, ötən ilin noyabrı ilə müqayisədə nisbətən isə yeddi bank artıb. Nəticədə 16 bankın zərəri 51,85 milyon manat təşkil edib ki, bu da oktyabr ayındakı göstəricidən 25,8 faiz, ötən ilin analoji dövr göstəricisindən təxminən 3,1 dəfə dəfə çoxdur.
Bankların fəaliyyətinin maliyyə nəticələri (vergilər ödənildikdən sonra) milyon manatla:
|
Dövrlər |
Mənfəətlə işləyən bankların sayı |
Bank sisteminin ümumi mənfəəti (mənfəətli banklar üzrə) |
Zərərlə işləyən bankların sayı |
Bank sisteminin ümumi zərərləri (zərərlə işləyən banklar üzrə) |
Bankların aldığı yekun mənfəət (+) və ya zərər (-) |
|
01-12-2008 |
36 |
214,45 |
9 |
14,96 |
120,58 |
|
01-12-2009 |
37 |
250,91 |
9 |
16,72 |
234,19 |
|
01-12-2010 |
31 |
160,9 |
16 |
51,85 |
109,05 |
Dekabrın 27-nə olan rəsmi məzənnə 0, 7985 AZN/USD təşkil edib.
