Azərbaycan, Bakı, 28 dekabr /Trend, müxbir Ü.İsmayılova/
Azərbaycanın Nazirlər Kabineti kənd təsərrüfatı məhsulları istehsalçılarına əkin sahələrinin becərilməsi üçün yanacaq və mühərrik yağlarının alınması məqsədilə ölkənin dövlət büdcəsindən subsidiyaların verilməsi qaydalarına edilən dəyişiklikləri təsdiqləyib.
Dəyişikliklər, həmçinin "Aqrolizinq" ASC (dövlət lizinq şirkəti) vasitəsilə kənd təsərrüfatı məhsulları istehsalçılarına və digər fiziki və hüquqi şəxslərə mineral gübrələrin güzəştli satışı qaydalarına da edilib.
Dəyişikliklərə əsasən, kənd təsərrüfatı istehsalçılarına verilən bank kartları indi üç il ərzində istifadə edilə biləcək, bundan sonra dəyişdiriləcək.
Nazirlər Kabinetinin qərarı imzalandığı gündən - 2010-cu il dekabrın 24-dən qüvvəyə minir.
