Azərbaycan, Bakı, 11 yanvar /Trend/
Yanvarın 10-dan "XalqBank" ASC-nin Qazax şəhərində yerləşən regional filialı fəaliyyətə başlayıb. Bu barədə bankın çərşənbə axşamı yayılan məlumatında deyilir. Bu, bankın regionlarda açılan onuncu filialıdır.
"İndi Qazax, eləcə də yaxın şəhər və rayonların sakinləri bank xidmətlərinin tam spektrindən, əmanətlər, müxtəlif kredit xidmətlərindən, hesablama-kassa xidmətləri üzrə əməliyyatlardan, təcili pul köçürmələrindən, valyuta-mübadilə əməliyyatlarından, plastik kartlarla əməliyyatlardan və s. istifadə edə bilərlər", - bankın məlumatında deyilir.
Bu gün "XalqBank" ASC-nin filial şəbəkəsi paytaxt və ölkə regionlarındakı 13 filial və iki şöbədən ibarətdir. Cari ildə daha bir neçə filialın açılması pllanlaşdırılır.