...

2011-ci ildə Azərbaycanın "TBC Kredit" təşkilatı xarici borcları bərpa etməyi planlaşdırır

Biznes və iqtisadiyyat xəbərləri Materials 18 Yanvar 2011 17:44 (UTC +04:00)

Azərbaycan, Bakı, 18 yanvar /Trend, müxbir N.İsmayılova/

2011-ci ildə Azərbaycanın bank olmayan kredit təşkilatı "TBC Kredit" beynəlxalq maliyyə institutlarından iki kredit xəttini cəlb etməyi planlaşdırır. Bu barədə çərşənbə günü şirkətdən deyiblər.

"2011-ci ildə Avropa Yenidənqurma və İnkişaf Bankı (AYİB) və Cənub-Şərqi Avropa Fondu (EFSE) ilə kredit xətlərinin verilməsinə dair uzunmüddətli müqavilələrin imzalanması gözlənilir", - şirkətdən bildiriblər.

"TBC Kredit" və OPIC (Overseas Private Investment Corporation, USA) 2004-cü ildən səmərəli əməkdaşlıq edirlər və "TBC Kredit" üçün üçüncü kredit xəttinin təsdiqlənməsi ilə OPIC-dən cəlb olunan ümumi vəsaitlərin həcmi 22 milyon dollara çatıb. "TBC Kredit" Azərbaycan bazarında OPIC-in əməkdaşlıq etməyə başladığı ilk təşkilatdır.

2,5 milyon dollar həcmində kreditin ilk xətti 7 ilə, 7,5 milyon dollar məbləğində ikinci xətt isə [2007-ci ildə tam istifadə olunub] 9 il yarıma hesablanıb.

OPIC-in son krediti 2009-cu ilin noyabrında təsdiq edilib. OPIC korporasiyası "TBC Kredit"ə ümumi dəyəri 16 milyon dollar olan layihəyə 12 milyon dollar məbləğində uzunmüddətli kreditin verilməsini təsdiq edib. Bu kredit xətti ipoteka və biznes kreditləşməsinin inkişafına yönəlib.

2007-ci ildə "TBC Kredit" AYİB-dən Azərbaycanda kiçik orta sahibkarlığın inkişafına 2 milyon dollar məbləğində kredit alıb.

EFSE Azərbaycan bazarına daxil olub və fondun ilk kredit xətti 5 milyon dollar məbləğində Bank Respublika üçün açılıb. EFSE-nin fəaliyyəti Albaniya, Azərbaycan, Belarus, Bosniya və Herseqovina, Bolqarıstan, Makedoniya, Gürcüstan, Kosovo, Moldova, Monteneqro, Rumıniya, Serbiya və Ukrayna kimi ölkələr daxil olmaqla, Cənub-Şərqi Avropanın iqtisadi artımı və çiçəklənməsinin stimullaşdırılmasına yönəlib.

Fond yerli maliyyə institutlarına kiçik biznesin, xüsusilə mikro və kiçik müəssisələrin kreditləşdirilməsi üçün uzunmüddətli alətlər, o cümlədən şəxsi ev təsərrüfatları üçün kreditlər təklif edir.

Bank olmayan kredit təşkilatı "TBC Kredit" Azərbaycanda 1999-cu ildən fəaliyyət göstərir. 2007-ci ilin dekabrından şirkətin payının 75 faizi aparıcı gürcü bankı "TBC Bank"a, 25 faizi isə "ShoreBank International Ltd"yə məxsusdur.

Xəbər lenti

Xəbər lenti