Azərbaycan, Bakı, 18 yanvar /Trend, müxbir N.İsmayılova/
Azərbaycanın "Milli Kart" prosessinq mərkəzinin aktiv plastik kartlarının sayı 2010-cu ildə 162 ədəd təşkil edərək 2009-cu illə müqayisədə 35 faiz artıb. Bu barədə çərşənbə axşamı prosessinq mərkəzinin məlumatında deyilir.
2010-cu ildə bankomatların sayı artaraq 2009-cu ildəki 225-ə qarşı 290 ədəd təşkil edib. POS-terminalların sayı 2500-dən 1200 ədədədək azalıb.
"Milli Kart" sistemində 12 bank xidmət göstərir. 2010-cu ilin yekunları üzrə onlardan 2009-cu ildəki dörd banka qarşı beşi VISA kartları buraxır. MasterCard kartları buraxan bankların sayı dəyişməz qalaraq bir bank təşkil edir. Yerli kartlar buraxan bankların sayı 4 bankdan 3 bankadək azalıb. MasterCard və VISA kartları buraxan bankların sayı əvvəlki səviyyədə üç bank qalıb.
MMC 2006-cı il iyulun 14-də ölkənin 18 bankı tərəfindən Azərbaycan Mərkəzi Bankının kart ödənişləri üzrə prosessinq mərkəzinin alınmasından sonra yaradılıb. Hazırda mərkəzin kapitalında bankların iştirakının minimum həcmi bir faiz, maksimum 10 faiz təşkil edir.
Mərkəzin təsisçiləri bunlardır: AtaBank, DəmirBank, AzərTürkBank, Bank of Baku, Azərbaycan Sənaye Bankı, DebutBank, AmrahBank, Xalq Bank, Credo Bank, Access Bank, ParaBank, RabitaBank, Bank Respublika, Bank Standard, Texnika Bank, Turan Bank, UniBank və Zamin Bank. "Milli Kart" MMC 4 milyon manatlıq kapitalla yaradılıb.
Yanvarın 18-nə olan rəsmi məzənnə 0,7974 AZN/USD təşkil edir.
