Azərbaycan, Bakı, 26 yanvar /Trend, müxbir Ü.İsmayılova/
Azərbaycan-Türkiyənin "Başak-İnam Sığorta Şirkəti" həyat sığortası üzrə ayrıca şirkətin yaradılmasını 2011-ci il üzrə fəaliyyətinin prioriteti hesab etmir. Bu barədə çərşənbə axşamı şirkətin idarə heyəti sədrinin köməkçisi Hikmət Allahverdi bildirib.
"Xidmətin bu növü prioritet deyil. Baxmayaraq ki, şirkət hələ Life və Non Life sığortasının portfellərinin ayrılmasını nəzərdə tutan "Sığorta fəaliyyəti haqqında" qanun qüvvəyə minənədək şiğorta xidmətinin bu növü üzrə ciddi mövqe tutub", - Allahverdi bildirib.
Onun sözlərinə görə, şirkətin bazardakı mövqeyində dəyişikliyə baxmayaraq, şirkət 2011-ci ildə qarşısına yığımların həcminin 40 faizədək artırılması ilə bağlı kifayət qədər ciddi məqsəd qoyub.
"Yeri gəlmişkən, hesab edirik ki, şirkətin Life sığortanın inkişafı üçün ciddi potensialı var", - Allahverdi bildirib.
Onun sözlərinə görə, məhz bunun üçün şirkətin səhmdarlarının növbəti ümumi toplantısında yalnız həyat sığortası ilə məşğul olacaq ayrıca şirkətin yaradılması məsələsinə baxılacağı mümkündür.
"Başak-İnam Sığorta Şirkəti" 1996-cı ildə yaradılıb, sığortanın 31 növü üzrə xidmətlər göstərir. Şirkətin nizamnamə kapitalı 3,2 milyon manatdır. 2010-cu ilin yekunları üzrə şirkətin mükafatları 2,534 milyon manat, ödənişləri 1,516 milyon manat olub. İl ərzində şirkətin mükafatları 7,38 faiz, ödənişləri 33,74 faiz artıb.
