Azərbaycan, Bakı, 31 yanvar /Trend, müxbir Ü.İsmayılova/
2010-cu ilin dekabrında Bakının qeyri-yaşayış obyektləri bazarında orta əmlak qiyməti noyabra nisbətdə 0,8 faiz azalıb, icarə haqqı isə 0,3 faiz aşağı düşüb. Bu barədə bazar ertəsi "Əmlak Bazarının İştirakçıları" İctimai Birliyinin məlumatında deyilir.
Dekabrda ticari obyektlərin alış-satışı üzrə əməliyyatların sayı 3,2 faiz azalıb. Bu dövr ərzində təkliflər 3,7 faiz artıb. Bazar qiymətlərinin artmasına baxmayaraq, aşağı tələbat əmlakın bu növü üzrə riskin səviyyəsini artıran ekspozisiya müddətinin artmasına təsir edib.
Bakının qeyri-yaşayış obyektlərinin bir kvadratmetrinin orta qiyməti noyabrdakı 2973 dollardan dekabrda 2958 dollara enib.
Aparılan tədqiqatlara əsasən, 2009-cu ilin analoji dövrünə nisbətdə dekabrda qiymətlər 3,1 faiz, ötən rübə nisbətdə isə 2,4 faiz azalıb.
Bazarda orta qiymətdən aşağı təklif olunan qeyri-yaşayış obyektlərinin payı (bir kvadratmetr üçün 2901 dollar) ümumi portfelin 52,1 faizini təşkil edib.
Dekabrda qeyri-yaşayış obyektlərinin qiyməti Bakının Qaradağ və Nizami rayonlarında müvafiq olaraq 1,8 və 0,4 faiz artıb, qalan rayonlarda isə azalma müşahidə olunub. Ən aşağı qiymət artımı Xəzər rayonunda müşahidə olunub - 1,1 faiz.
Yekun cədvəl şəhərin zonaları və ticarət obyektləri üzrə qiymət dəyişikliklərini göstərir:
|
Şəhərin zonaları |
Dekabrda orta qiymətlər $-la |
Qiymətlərin dəyişməsi (%-lə) |
|
I |
4862 |
-0,2 |
|
II |
3471 |
-0,3 |
|
III |
2140 |
-0,6 |
|
IV |
780 |
-1,4 |