Azərbaycan, Bakı, 14 fevral /Trend, müxbir İ.Xəlilova/
Özəl sektorun inkişafı üzrə İslam Korporasiyası (ICD, İslam İnkişaf Bankı qrupuna daxildir) Azərbaycanda kiçik və orta sahibkarlığın maliyyələşdirilməsi həcmini genişləndirməyi planlaşdırır. Bu barədə bazar ertəsi ölkənin maliyyə dairələrindən bildiriblər.
"Korporasiya Azərbaycan banklarına KOS inkişafı üçün 40 milyon dollar ayırmağı planlaşdırır", - mənbə bildirib.
Kredit resursları ICD tərəfdaş banklarına ayrıla bilər, lakin bu siyahının genişləndiriləcəyi və yeni bankların ora dxaxil ediləcəyi istisna edilmir.
İndiyədək korporasiya Azərbaycan iqtisadiyyatına təxminən 60 milyon manat sərmayə yatırıb. Azərbaycandakı fəaliyyəti dövründə ICD səkkiz bankla işləri nizama salıb, Azərbaycan Beyəlxalq Bankına (ABB), Rabitə Banka, UniBanka, Bank Standarda, Turan Banka və digərlərinə kreditlər verib. Ötən ilin yayında korporasiya ABB illik 9 faiz olmaqla 15 milyon dollar kredit verib.
Bununla yanaşı, korporasiya özünün törəmə müəssisələri olan "Caspian International Investment Company" (CIIC), "Ansar Leasing" şirkəti (beş milyon manat) vasitəsilə sərmayə yatırıb.
Özəl Sektorun İnkişafı üzrə İslam Korporasiyası İİB-nin Direktorlar Şurası tərəfindən 1999-cu ildə Ciddədə keçirilən bankların 24-cü ənənəvi görüşündə təsis edilib. ICD-nin baş ofisi Ciddədə (Səudiyyə Ərəbistanı) yerləşir.
Özəl Sektorun İnkişafı üzrə İslam Korporasiyasının Azərbaycanda törəmə şirkətləri var. Bunlar "Caspian International Investment Company" (CIIC) və lizinq şirkəti "Ansar Leasing"dir.
ICD-in səlahiyyətləri dairəsinə üzv ölkələrin iqtisadi inkişafının özəl sektor layihələri üçün şəriət prinsiplərinə uyğunözəl sektorun inkişafının dəstəklənməsi vasitəsilə yardım edilməsi daxildir. Özəl Sektorun İnkişafı üzrə İslam Korporasiyası özəl müəssisələrin yaradılması, genişləndirilməsi və modernləşdirilməsinə yardım edilməsi üçün hökumət və özəl qurumlara məsləhətlər də verir.
İCD-in maliyyələşdirdiyi layihələr iş yerlərinin yaradılmsı və ixracın inkişafına verdiyi töhfə kimi amillər nəzərə alınmaqla iqtisadi inkişafa göstərdiyi xidmət əsasında seçilir. İCD həmçinin öz layihələri üçün həmmaliyyəçiləri seçir və hökumət və özəl sektor qrupunu özəl müəssisələrin yaradılması, genişləndirilməsi və modernləşdirilməsinə yardım, kapital bazarının inkişafı, bazar iqtisadiyyatının idarə edilməsi və rolunun gücləndirilməsinə dəstək siyasəti üzrə məsləhətlər verir. Eləcə də İCD İİB-in üzv ölkələrin və milli maliyyə müəssisələrində fəaliyyətini tamamlayır.
