Azərbaycan, Bakı, 4 mart /Trend, müxbir M.Əliyev/
Cümə günü Azərbaycan Milli Məclisi TRACECA (Avropa-Qafqaz-Asiya) nəqliyyat dəhlizi çərçivəsində multimodal daşımaların inkişafı haqqında sazişi ratifikasiya edib.
Multimodal daşımaların inkişafı haqqında saziş 2009-cu ildə imzalanıb.
TRACECA Aİ və Şərqi Avropa, Cənubi Qafqaz və Mərkəzi Asiyada onun tərədaş ölkələri arasında nəqliyyat sahəsində beynəlxalq əməkdaşlıq proqramıdır. Təşkilatın Bakıda daimi katibliyi var.
Hazırda TRACECA-nın iştirakçı dövlətləri Azərbaycan, Bolqarıstan, Gürcüstan, Qazaxıstan, Qırğızıstan, Ermənistan, Moldova, Rumıniya, Tacikistan, Türkmənistan, Türkiyə, Ukrayna və İrandır.