Bakıda qeyri-yaşayış obyektləri bahalaşıb

Аzərbaycan, Bakı, 9 mart /Trend, müxbir Ü.İsmayılova/

Fevralda Bakının kommersiya obyektləri bazarında orta qiymətlər yanvara nisbətən 0,7 faiz qalxıb. Qeyri-yaşayış obyektlərinin icarəsi isə 0,6 faiz bahalaşıb. Bu barədə çərşənbə günü "Əmlak Bazarı İştirakçıları" İctimai Birliyindən məlumat verilib.

Fevralda qeyri-yaşayış sahələri bazarında alqı-satqı sövdələşmələrinin sayı 6,7 faiz azalıb. Bu dövr ərzində təklif üç faiz azalıb. Təklifin azalmasına böhran dövrünün əvvəlindən (2008-ci ilin sentyabrı) bazarda müşahidə olunan tendensiya təsir edib. 2011-ci ildə bazarda qiymət artımı üzrə proqnozlar mülkiyyətçilərin bəzi obyektlərini bazardan çıxarmalarına gətirib çıxarıb.

Bakıdakı qeyri-yaşayış sahələrinin bir kvadratmetrinin orta qiyməti avqustdakı 2 938 dollardan sentyabrda 2 973 dollaradək bahalaşıb. Aparılan araşdırmalara görə, birinci rübə nisbətən qiymətlərin bahalaşması 0,8 faiz, ötən ilin sentyabr ayı ilə müqayisədə isə 0,6 faiz təşkil edib.

Tələbin aşağı olmasına baxmayaraq, bazarın bu seqmentinin dinamikasında təklif olunan obyektlərin qiymətlərindəki nisbi artım daşınmaz əmlak obyektlərinin bu növünün satış müddətinin azalmasının qarşısını alıb. Daşınmaz əmlak bazarında baş verən dəyişikliklərə baxmayaraq, hələ də risk səviyyəsinin aşağı olması müşahidə edilir. Buna səbəb icarə qiymətlərinə nisbətən gəlirlilik əmsalının möhkəmlənməsidir.

Fevralda Bakının qeyri-yaşayış sahələrinin orta qiymətləri 2900 dollardan 2921 dollaradək bahalaşıb. Aparılan araşdırmalara örə, 2009-cu ilin analoji dövrünə nisbətən qiymətlər iki faiz, bundan əvvəlki rüblə müqayisədə isə 0,1 faiz azalıb.

Bazara orta qiymətdən aşağı (bir kvadratmetri 2921 dollar) təklif olunan qeyri-yaşayış obyektlərinin payı qeyri-yaşayış obyektləri bazarının ümumi portfelinin 51,7 faizini təşkil edib.

Ötən ay ərzində şəhərin Qaradağ rayonunda bazarda 1,8 faiz orta qiymət artımı müşahidə olunub, ən çox azalma isə 2,6 faiz olmaqla Sabunçu və Xətai rayonlarında müşahidə edilib.

Ümumi cədvəl şəhərin zonaları üzrə kommersiya obyektlərindəki qiymət dəyişikliklərini göstərir: