Azərbaycan, Bakı, 14 mart /Trend, müxbir Ü.İsmayılova/
Bu gün Azərbaycan Turizm İnstitutunun ən ciddi problemi ixtisaslı kadrların və müəllimlərin axtarışıdır. Bu barədə institutun rektoru Cəfər Cəfərov bildirib.
"Bu, institut üçün ən ağır və vacib məqamdır", - Cəfərov deyib.
Onun sözlərinə görə, bu gün institut ən uğurlu namizədlərin bütün mümkün variantlarını seçib, lakin buna baxmayaraq, tədrisin və kadrların hazırlıq səviyyəsinin ilbəil artımını təmin etmək üçün böyük iş görmək tələb olunur.
"Biz özümüz hər gün tədris standartlarımızı ölkənin turizm sənayesinin tələblərinə uyğun qaldırırıq", - Cəfərov deyib.
Onun sözlərinə görə, bu ilin gələcək inkişaf üçün stimul olan "Turizm ili" elan olunması çərçivəsində institut təhsilin keyfiyyətinin yaxşılaşdırılması, eləcə də tələbələrin potensiallarının artırılması üçün bir sıra layihələr həyata keçirmək fikrindədir.
İnstitut 2011-ci ildən magistratura, eləcə də arzu edənlər üçün doktorantura səviyyəsi üçün təhsilə başlamağı planlaşdırır.
Turizm bazarında ixtisaslı kadrların olması sahənin inkişafına təsir edən başlıca amillərdən biridir. Bu problem əsasən təhsil vasitəsilə deyil, təcrübə vasitəsilə gələn adamların çalışdıqları bazarın özündə də mövcuddur.
"Ölkənin turizm sənayesinə mövcud problemləri düzgün anlayan təhsilli adamlar lazımdır. Təəssüf ki, Azərbaycanın turizm sənayesində turizm təhsili olmayan, lakin öz işinin peşəkarlarının çalışdığı reallıqdır, lakin bu da normaldır. Təcrübədə də baza təhsilinə malik olmaq keyfiyyətcə yeni səviyyədir", - Cəfərov bildirib.
İnstitut 2006-cı il fevrfalın 13-də Turizm Nazirliyi yanında yaradılıb. İnstitutda bir fakultə və yeddi kafedra fəaliyyət göstərir.Təhsil aşağıdakı ixtisaslar üzrə aparılır - turizm və istirahət menecmenti, turizm və qonaqpərvərlik menecmenti, sanatoriya və kurort müəssisələrində tibbi xidmətin təşkili, sağlamlıq və kurort, turizm mədəniyyəti və incəsənət, idman turizmi, linqvistika.
