Azərbaycan, Bakı, 17 mart /Trend, müxbir Ü.İsmayılova/
2010-cu ilin yekunları üzrə Azərbaycanın "Beynəlxalq Sığorta Şirkəti" ASC-nin aktivləri 20,91 milyon manat olub. Bu göstərici ilin əvvəlində 24,443 milyon manat olub. Bu barədə şirkətin cümə axşamı rəsmi mətbuatda dərc edilən balans hesabatında deyilir.
Bu müddət ərzində şirkətin uzunmüddətli aktivləri 7,621 milyon manat, qısamüddətli - 13,289 milyon manat təşkil edib. Ötən il şirkətin depozit hesabları 6,984 milyon manat, valyuta hesabları 6,425 min manat təşkil edib.
Ötən ilin yekunları üzrə "Beynəlxalq Sığorta Şirkəti" ASC-nin ödənilmiş nizamnamə kapitalı 8,8 milyon manat, itkiləri 2,179 milyon manat, ödənilməmiş itkiləri isə 3,913 milyon manat təşkil edib.
Ötən il şirkətin məcmu kapitalı 8,462 milyon manat olub. Bu göstərici ilin əvvəlində 10,752 milyon manat təşkil edib.
Şirkətin uzunmüddətli öhdəlikləri 12,01 milyon manat, qısamüddətli - 37,272 min manat, kapital və öhdəlikləri isə 20,91 milyon manat təşkil edib.
Ötən ilin yekunları üzrə şirkətin gəlirləri 12,52 milyon manat, o cümlədən sığorta üzrə 9,534 milyon manat, təkrar sığorta üzrə 658,029 min manat təşkil edib. Bu müddət ərzində xalis sığorta ehtiyatlarının dəyişdirilməsi 1,067 milyon manat səviyyəsində olub.
2010-cu ildə şirkətin xərcləri 14,699 milyon manat, o cümlədən sığorta ödənişləri üzrə 5,269 milyon manat, təkrar sığorta ödənişləri üzrə 1,388 milyon manat təşkil edib.
2010-cu ildə şirkət 126,573 min manat məbləğində mənfəət vergisi, gəlir vergisi - 130 min manat, ödənişlər mənbəyi vergisi üzrə (4 faiz) - 27,5 min manat, sosial sığorta və təminat vergisi üzrə ödənişlər - 422,511 min manat, icbari ödənişlər (0,3 faiz) - 32,825 min manat, eləcə də iqtisadi sanksiyalar üzrə 92 min manat ödəyib.
Martın 17-nə olan rəsmi məzənnə 0,7932 AZN/USD təşkil edir.
