Azərbaycan, Bakı, 20 aprel /Trend, müxbir A.Axundov/
Azərbaycan Respublikası Dövlət Neft Fondu (ARDNF) Prezident Administrasiyasına yeni investisiya strategiyasını təqdim edib. Bu barədə fondun icraçı direktoru Şahmar Mövsümov birinci rübün fəaliyyət yekunlarına həsr edilən mətbuat konfransında deyib.
Onun sözlərinə görə, yeni strategiya portfelin şaxələndirilməsi və yeni yüksək riskli alətlərin istifadəsinə yönəldiləcək.
Mövsümovun əvvəllər dediyinə görə, fondun aktivlərinin artım ölçüsü üzrə yeni alətlərin istifadəsi vacib olur, onların arasında əmlakı xüsusi ayırmaq olar.
2011-ci ildə təsdiq olunmuş Neft Fondu vəsaitlərinin istifadəsinin əsas istiqamətləri proqramına əsasən, ARDNF-nin investisiya portfelinin ümumi həcmi 19,4 milyard manat səviyyəsində proqnozlaşdırılır. Fondun büdcə xərcləri çərçivəsində planlaşdırılmış hesablamaların vaxtında və tam həyata keçirilməsi məqsədilə ARDNF vəsaitlərinin satılma səviyyəsi 100 milyon dollar səviyyəsində saxlanılmalıdır.
ARDNF-nin valyuta vəsaitlərinin 600 milyon dolları Xəzərdə hasilat sənayesinin inkişafı üzrə layihələr və yaxud uzunmüddətli investisiya reytinqləri olan əsas təsisatçıların qiymətli kağızlarına qoyula bilər.
Neft Fondu xarici menecerlərə öz investisiya portfelinin 60 faizini verə bilər, lakin bir menecer portfelin ümumi dəyərinin 15 faizindən çoxunu ala bilməz. İnvestisiya fondunda Fondun aktivləri üzrə gəlirin müəyyən olunması üçün baza indikatoru Böyük Britaniyanın Bank Assosiasiyası tərəfindən nəşr olunan üçaylıq LIBOR tarifləridir.
ARDNF rəhbəri yeni strategiyanın tətbiqi ilə Fondun vəsaitlərinin idarəsi üçün yeni xarici menecerlərin cəlb olunma imkanlarını istisna etməyib.
Bu il ARDNF menecer dəyişikliyi və yaxud yeni müdirlərin cəlb olunmasını planlaşdırmır.
Böhran illərində Fondun xarici menecerlərinin fəaliyyət nəticələri demək olar ki, sıfıra ensə də, ötən il vəziyyət yaxşılaşaraq müsbət nəticələr əldə olunub.
Neft Fondunun aktivlərinin idarə olunmasından birinci rübdə 62 milyon manat mənfəət əldə olunub.
Fondun menecerləri Dünya Bankının xəzinədarlıq idarəsi, "Clarident" və "Deutschebank Asset Management" banklarıdır.
2011-ci il aprelin 1-nə olan vəziyyətə görə, ARDNF-nin aktivləri 13,3 faiz artaraq 25 796,9 milyon dollar olub. Ötən ilin əvvəlində bu göstərici 22 766,8 milyon dollar təşkil edib.
Dövlət Neft Fondu 1999-cu ildə yaradılıb və həmin anda onun aktivləri 271 milyon dollar olub.