Azərbaycan, Bakı, 29 aprel /Trend, müxbir A.Axundov/
2010-cu ildə Azərbaycan Mədəniyyət və Turizm Nazirliyinə turizm şirkətləri ilə bağlı müxtəlif xarakterli 5 şikayət daxil olub. Bu barədə "Əmlak Bazarı İştirakçıları" İctimai Birliyinin nəşr etdirdiyi "Əmlak bazarı" junralına müsahibəsində nazirliyin tədqiqat işləri, statistika və lisenziyalaşıdrma sektorunun rəhbəri Rəhman Oruclu deyib.
Onun sözlərinə görə, şikayətlərdən bəziləri nazirliyin müdaxiləsi ilə yoluna qoyulub, qalanları isə məhkəmələrə göndərilib.
"Turizm sahibkarlar üçün tam açıq olan sahədir. Dövlət siyasətini həyata keçirən qurum olmaqla, əsas məqsədimiz bu sahədə işləyənlərə "yaşıl" işıq yandırmaqdır. Lakin bu, o demək deyil ki, sahibkarlar bundan sui-istifadə etməlidirlər", - Oruclu qeyd edib.
Onun sözlərinə görə, bu sahədə işləyən insanların bilavasitə xaricdən gələn qonaqlarla ünsiyyət qurmaları, onlara xidmət göstərmələri faktı bu sahədə qayda-qanunun əməl edilməsinə ciddi nəzarət olunmasını tələb edir.
Hazırda Azərbaycanda 214 lisenziyalaşdırılmış turizm şirkəti fəaliyyət göstərir.
