Azərbaycan, Bakı, 11 may /Trend, müxbir A.Axundov/
Birinci rübdə Azərbaycanın sığorta şirkəti "Qarant Sığorta"nın yığımlarının 1/3-dən çoxu avtomobil sığortasının payına düşür. Bu barədə Trend-ə şirkətin idarə heyətinin sədri Vaqif Həsənov deyib.
"Avtomobil sığortası Azərbaycanda ən riskli növdür, buna görə də məhz onunla bağlı ən çox yığım və ödənişlər olur", - Həsənov bildirib.
Yanvar-martda şirkət 1,056 milyon manat məbləğində sığorta haqqı yığıb. Bundan avtonəqliyyat vasitələrinin sığortasının payına 384,17 min manat düşüb.
Şirkət əmlak sığortası üzrə 687,8 min manat, o cümlədən əmlakın yanğından və digər risklərdən sığortası üzrə 156,66 min manat və yüklərin sığortası üzrə 146,98 min manat yığıb.
Şirkətin fərdi sığorta üzrə yığımları 201,8 min manat təşkil edib. Bundan xəstəlik və bədbəxt hadisələrdən sığorta üzrə 26 min manat, tibbi sığorta üzrə 166,6 min manat, xaricə gedən şəxslərin sığortası üzrə 9,12 min manat təşkil edib.
Şirkət vətəndaş məsuliyyətinin sığortası üzrə 38,37 min manat məbləğində, o cümlədən avtonəqliyyat vasitələri sahiblərinin vətəndaş məsuliyyətinin könüllü sığortası üzrə 26,52 min manat, peşə sığortası üzrə 1,44 min manat, işəgötürənlərin məsuliyyət sığortası üzrə 3,03 min manat, ümumi vətəndaş məsuliyyəti üzrə 7,38 min manat satışlar həyata keçirib.
Ümumilikdə 2011-ci ilin ilk üç ayı ərzində könüllü növlərin payına bütün yığımların 88 faizi və ya 927,98 min manat düşüb.
Şirkət sığortanın icbari növləri üzrə 128,48 min manat yığıb. Bundan OSAQO üzrə 31,369 min manat, sərnişinlərin icbari sığortası üzrə 65,67 min manat, icbari ekoloji sığorta üzrə 31,44 min manat təşkil edib.
Yanvar-martda 280,4 min manat məbləğində sığorta ödənişi edilib. Bunun 256,6 min manatı və ya 91,5 faizi könüllü növlərin, qalan 23,79 min manat icbari növlərin payına düşüb.
Şirkət könüllü fərdi sığorta üzrə 132,45 min manat ödəyib. Bunun 98,9 faizi tibbi sığortanın payına düşüb.
Əmlak sığortası üzrə 124,16 min manat ödənilib. Bunun 121,49 min manatı avtonəqliyyat vasitələrinin sığortasının payına düşüb.
OSAQO üzrə 17,532 min manat, sərnişinlərin icbari sığortası üzrə 3,6 min manat, icbari ekoloji sığorta üzrə 2,66 min manat ödənilib.
Həsənovun szölərinə görə, ilk rüb ənənəvi olaraq şirkət üçün çətin olur.
"Bu müddət ərzində bizdə iri müqavilələrin yenilənməsi olmayıb", - Həsənov bildirib.
"Qarant Sığorta" sığorta şirkəti Azərbaycan Maliyyə Nazirliyindən sığorta fəaliyyəti üçün lisenziyanı 2007-ci ilin noyabrında alıb. "Qarant Sığorta" ZQAN Holding-in tərkibinə daxildir.
Mayın 11-nə olan rəsmi məzənnə 0,7911 AZN/USD təşkil edir.
