Azərbaycan, Bakı, 14 may /Trend, müxbir A.Axundov/
İngiltərə-Azərbaycan birgə sığorta şirkəti Temzа Sığorta Qrupu 2011-ci ildə bir sıra yeni məhsulların buraxılmasını planlaşdırır. Bu barədə Trend-ə şirkətin idarə heyətinin sədri Samir Mustafayev məlumat verib.
"Mayda AZAL şirkəti ilə birgə xaricə gedən turistlərin sığortası üzrə yeni məhsul buraxmışıq", - Mustafayev bildirib.
Onun sözlərinə görə, bu məhsul turist üçün səfər zamanı yarana biləcək bütün riskləri ödəməyə imkan verir.
"Bundan əlavə, indi biz başqa məhsullar üzərində də işləyirik", - Mustafayev bildirib.
Nizamnamə kapitalında 49 faizlik iştirak payına Britaniyanın "Glencarron Group Limited"-in malik olduğu "Temzа Sığorta Qrupu" sığorta şirkəti Azərbaycanın sığorta bazarında 1996-cı ildən fəaliyyət göstərir. Azərbaycanın iştirak payı yerli fiziki şəxs və hüquqi şəxsə (Gala Investment) məxsusdur. Şirkətin nizamnamə kapitalı 0,9 milyon manat təşkil edir.
Mayın 14-nə rəsmi məzənnə 0,7908 AZN/USD təşkil edir.