...

İlin sonunadək Azərbaycanda 4 epidemioloji laboratoriya açılacaq - Baytarlıq Xidməti

Biznes və iqtisadiyyat xəbərləri Materials 20 İyun 2011 13:05 (UTC +04:00)

Trend-i buradan izləyin

Azərbaycan, Bakı, 20 iyun /Trend, müxbir A.Axundov/

Ayın sonunadək aparılan yenidənqurma işlərindən sonra Sabirabad rayonunda zona epidemioloji laboratoriya açılacaq. Bu barədə bazar ertəsi Trend-ə Azərbaycan Dövlət Baytarlıq Xidmətinin rəhbəri Siyalə Rüstəmova bildirib.

"Azərbaycanla ABŞ arasında hökumətlərarası saziş çərçivəsində ABŞ Müdafiə Nazirliyi yanında DTRA - Təhdidlərin Azaldılması Agentliyinin (Defense Threat Reduction Agency) dəstəyi ilə bu ayın sonunadək Sabirabad rayonunda, ilin sonunadək isə Quba, Göygöl və Bərdə rayonlarında zona epidemioloji laboratoriyaların istismara təhvil verilməsi gözlənilir", - Rüstəmova bildirib.

Onun sözlərinə görə, 2002-ci ildən Azərbaycanda çalışan DTRA laboratoriyaları zəruri avadanlıqlarla təchiz edir, habelə ölkənin regionlarında tədqiqat işləri aparır. Bununla yanaşı, DTRA yerli mütəxəssislər üçün müntəzəm olaraq treninq və kurslar keçirir.

"Təhdidlərin Azaldılması Agentliyi BSL-2 bioloji təhlükəsizlik səviyyəsi üzrə iki laboratoriya tikib, regionlardakı 4 epidemioloji monitorinq zona stansiyasını təmir edib və onları avadanlıqlarla təchiz edib", - Rüstəmova bildirib.

Xəbər lenti

Xəbər lenti