Azərbaycan, Bakı, 20 iyun /Trend, müxbir A.Axundov/
Azərbaycanın sığorta şirkəti "Alfa Sığorta"nın Direktorlar Şurasının sədri Xəyal Məmmədxanlı istefa verib. Bu barədə Trend-ə bazar ertəsi Məmmədxanlı özü məlumat verib.
"Bu gündən etibarən mən "Alfa Sığorta" şirkətinin Direktorlar Şurasının üzvü deyiləm. Apardığım seminar və treninqlər üçün vaxtın çatmaması səbəbindən öz istəyimlə istefa vermişəm", - Məmmədxanlı bildirib.
O, bu vəzifədə bir ildən çox işləyib. O, "Alfa Sığorta"da vəzifəsinin icrasına 14 aprel 2010-cu ildə başlayıb.
Əvvəllər Məmmədxanlı ölkənin maliyyə sektorunda - Beynəlxalq Sığorta Şirkətində, "Az Sığorta"da, "Azfinans Bank"da, Azərbaycan Sığortaçılar Assosiasiyasında, tərəfindən təsis edilən "AzBarter" şirkətində yüksək vəzifələrdə çalışıb.
"Alfa Sığorta" ASC-nin təsisatçısı 2006-cı ilin dekabrında şirkətin 100 faizlik səhmlərini alan "Texnikabank" ASC-dir. "Alfa Sığorta"nın altı icbari, 24 könüllü olmaqla, 30 növ sığorta xidməti göstərmək hüququ var.