Azərbaycan, Bakı, 6 iyul /Trend/
Bakıda Akim Abbasov və Ələsgər Ələkbərov küçələrinin kəsişməsində 350 mm diametrli xətdə baş vermiş qəza ilə əlaqədar Yasamal rayonunun bəzi ərazilərinə içməli suyun verilişində məhdudiyyətlər yaranıb. Bu barədə çərşənbə günü "Azərsu" ASC-nin məlumatında deyilir.
Bununla əlaqədar "Salyan kazarması" adlanan hərbi şəhərcik, İ.Qutqaşınlı küçəsi və "İzmir" prospektinin bir hissəsinin su təchizatı müvəqqəti dayandırılıb.
İyulun 5-i axşam saatlarından Yasamal Sukanal Sahəsinin qəza-bərpa qrupu qəzanın nəticələrinin aradan qaldırılmasına başlayıb və təmir işləri bu gün başa çatdırılacaq.