...

Çin Azərbaycanda kənd təsərrüfatı təyinatlı torpaqların icarə imkanlarını öyrənir

Biznes və iqtisadiyyat xəbərləri Materials 11 İyul 2011 17:24 (UTC +04:00)

Trend-i buradan izləyin

Azərbaycan, Bakı, 11 iyul /Trend, müxbir A.Axundov/

Bazar ertəsi Azərbaycan və ÇXR-in Sinszyan-Uyğur Muxtar Respublikası (SUMR) arasında ticari-iqtisadi əməkdaşlıq üzrə işçi qrupunun birinci iclasında bitkiçiliyin, heyvandarlığın və balıqçılığın inkişaf etdirilməsi məqsədilə Azərbaycanda kənd təsərrüfatı təyinatlı torpaqların icarə imkanlarının öyrənilməsi haqqında razılaşma əldə olunub.

Eləcə də tərəflər Ural biyanı, zeytun ağacları kimi kənd təsərrüfatı bitkilərinin yetişdirilməsi üzrə birgə müəssisələrin yaradılması haqqında razılığa gəliblər.

"Hər iki tərəf kənd təsərrüfatı sahəsində əməkdaşlığın inkişaf etdirilməsi üçün tədbirlərin görülməsinin, eləcə də hər iki tərəfin kənd təsərrüfatı məhsullarının həcminin artırılması üçün müəssisələrin dəstəklənməsinin vacibliyini qeyd ediblər", - protokolda deyilir.

Həmçinin qabaqcıl kənd təsərrüfatı texnologiyaları sahəsində əməkdaşlıq və təcrübə mübadiləsinin inkişaf etdirilməsi, kənd təsərrüfatı sahəsində texniki personalın mübadiləsi, eləcə də kənd təsərrüfatı maşınlarında işləmək üçün Azərbaycan tərəfdən texniki personalın hazırlanmasının təşkili qərara alınıb.

"Kənd təsərrüfatı məhsullarının yarmarkalarının müntəzəm təşkili, seminar və forumların təşkili, kənd təsərrüfatı sahəsində elmi mübadilənin genişləndirilməsi barədə qərar qəbul olunub", - protokolda deyilir.

Xəbər lenti

Xəbər lenti