...

Mərkəzləşdirilmiş Kredit Reyestrinə müraciətlərin sayı 2,23 dəfə artıb

Biznes və iqtisadiyyat xəbərləri Materials 25 İyul 2011 11:33 (UTC +04:00)

Trend-i buradan izləyin

Azərbaycan, Bakı, 25 iyul /Trend, müxbir N.İsmayılova/

2011-ci ilin mayında Azərbaycan Mərkəzi Bankı yanında Mərkəzləşdirilmiş Kredit Reyestri Xidmətinə ölkədəki banklardan 46 598 müraciət daxil olub. Bu barədə bazar ertəsi xidmətdən məlumat verilib.

2010-cu ilin analoji dövrü ilə müqayisədə xidmətə edilən müraciətlərin sayı 2,23 dəfə artıb. 2010-cu ilin birinci rübündə sorğuların ümumi sayı 20 940 təşkil edib. Cari ilin mayında 100 şəxs təşkilata öz kredit hesabatını almaq məqsədilə müraciət edib.

Cari ilin may ayının sonuna olan məlumata görə, kredit reyestrində haqqında məlumat olan borcgötürənlərin sayı 1 065 062, kredit məlumatlarının ümumi sayı isə 2 106 244 təşkil edir. Reyestrdə olan borcgötürənlər üzrə məlumatların sayı 500 695 təşkil edir.

Mərkəzləşdirilmiş Kredit Reyestri Xidməti 2005-ci ilin martından fəaliyyət göstərməyə başlayıb. Fiziki şəxslər üzrə bir sorğunun tarifi 1,1 manat, hüquqi şəxslər üçün iki manat təşkil edir. Kredit reyestri kommersiya məqsədləri daşımır, tariflər inzibati xərclərin ödənilməsi üçün tətbiq edilir.

İyulun 25-nə rəsmi məzənnə 0,7865 AZN/USD təşkil edir.

Xəbər lenti

Xəbər lenti