...

Azərbaycanda üçpilləli gömrük tarifi sisteminin tətbiqi təklif olunur

Biznes və iqtisadiyyat xəbərləri Materials 12 Sentyabr 2011 20:25 (UTC +04:00)

Azərbaycan, Bakı, 12 sentyabr /Trend, müxbir A.Axundov/

Azərbaycan Dövlət Gömrük Komitəsi Nazirlər Kabinetinə üçpilləli tarif sisteminə keçid barədə təkliflərini təqdim edib. Bu barədə Trend-ə bazar ertəsi komitənin sədri Aydın Əliyev deyib.

Əliyev bildirib ki, bu dəyişikliklərin qüvvəyə minməsi hökumətin qərarından asılıdır.

Çoxpilləli sistemdən üçpilləli dəyişkən tarif sisteminə keçid təklifləri ölkədəki 0, 5 və 15 faizlik dərəcələri qorumağı nəzərdə tutur.

Bu gün Azərbaycanda 2001-ci ildə qəbul olunmuş gömrük tarifləri işləyir. Onlar 0, 0,5, 1, 3, 5, 10 və 15 faizlik dərəcələrdir. Bundan əvvəl dörd dərəcəni - 0, 5, 10 və 15 faizlik dərəcələri qorumaq təklif olunsa da, sonradan 10 faizlik dərəcə təklifdən çıxarılıb.

İstehsalat təyinatlı malların böyük əksəriyyətini 0 faizli dərəcə ilə, o cümlədən hazırda 0,5 faizlik dərəcə ilə rüsum tutulan mallar da buraya daxildir. Bu həmin tip mallara (xüsusilə, 84 və 85-ci qruplar) aiddir ki, onlar artıq Nazirlər Kabinetinin sərəncamı ilə idxalda 0 faiz ƏDV-yə tabedirlər. Onların payına respublikaya idxal olunan malların 10-15 faizi düşür.

Azərbaycanın ÜTT-yə qəbul olunması çərçivəsində gömrük orqanlarına iki tapşırıq verilib - gömrük vergiləri və rüsumlarının yenidən nəzərdən keçirilməsi, yeni modelin tətbiqi, intellektual mülkiyyət hüququnun qorunmasının təmini.

Xəbər lenti

Xəbər lenti