Azərbaycan, Bakı, 13 oktyabr /Trend, müxbir N.İsmayılova/
Dünya Bankının (DB) Avropa və Mərkəzi Asiya ölkələrində Davamlı İnkişaf Departamentinin direktoru Piter Tompson Bakıya səfər edəcək. Bu barədə Trend-ə cümə axşamı Dünya Bankının Bakıdakı nümayəndəliyindən məlumat verilib.
Məlumata əsasən, səfər oktyabrın 15-dən 22-nə kimi davam edəcək. Səfərin əsas məqsədi kənd təsərrüfatı, ekologiya və infrastruktur kimi sahələrdə bankın layihələrinin həyata keçirilməsi ilə tanış olmaqdır.
"Bu, Tompsonun hazırkı vəzifədə ölkəyə son səfəri olacaq. Belə ki, yaxın vaxtlarda o, təqaüdə çıxması ilə əlaqədar olaraq tutduğu vəzifəni tərk etmək niyyətindədir", - Bakı nümayəndəliyindən bildirilib.
Bankın Azərbaycanda cari portfeli ümumi dəyəri 2,3 milyard dollar olan 20 layihədən ibarətdir. Azərbaycan Dünya Bankının 1992-ci ildən üzvüdür. Hazırkı vaxta qədər bank Azərbaycana 43 layihənin maliyyələşdirilməsi üçün 2,9 milyard dollar ayırıb. Bu da bankın portfelinin həcminə görə ölkəni dünyada Türkiyə və Qazaxıstandan sonra üçüncü yerə qoyur.
...
