Azərbaycan, Bakı, 26 noyabr /Trend müxbir N.İsmayılova/
2011-ci ilin yanvar-oktyabrında Azərbaycan ərazisi ilə nəqliyyat vasitələri ilə təxminən 46,65 milyon ton yük daşınıb. Bu isə ötən ilin eyni dövrü ilə müqayisədə 9,45 faiz çoxdur. Trend-in məlumatına görə, bu barədə şənbə günü Azərbaycan Dövlət Gömrük Komitəsinin məlumatında deyilir.
Bu dövr ərzində yük ixracatı 29,07 milyon ton, idxalı isə 7,26 milyon ton təşkil edib.
10 ay ərzində dəniz nəqliyyatı vasitəsilə 264,37 min ton yük, dəmiryolları ilə 2,75 milyon ton yük, avtomobil nəqliyyatı ilə 390,5 min ton yük, hava yolu ilə 394,5 min ton yük, stasionar nəqliyyat vasitələri ilə isə təxminən 25,3 milyon ton yük ixrac edilib.
Dəniz nəqliyyatı ilə 1,12 min ton yük, dəmir yolu ilə 4,58 milyon ton yük, avtomobil nəqliyyatı ilə 1,51 milyon ton yük, hava yolu ilə isə 18,5 min ton yük idxal edilib.
2011-ci ilin 10 ayı ərzində Azərbaycan ərazisindən tranzit yolu ilə təxminən 13,01 milyon ton yük daşınıb.
