Azərbaycan, Bakı, 2 dekabr / Trend, müxbir N.İsmayılova /
Azərbaycan bankı Bank Standard bankın kapitallaşmasını gücləndirmək məqsədilə 20 milyon manat həcmində subordinasiya kreditinin cəlb edilməsini planlaşdırır. Bu barədə cümə günü Trend-ə bankın idarə heyətinin sədri Səlim Kriman məlumat verib.
"Biz ilin sonunadək investorlarla subordinasiya kreditinin cəlb edilməsi barədə saziş imzalamağı planlaşdırırıq, çünki bizə korporativ biznesin və piteylin inkişafı üçün kapitalı möhkəmləndirmək lazımdır", - Kriman deyib.
Onun sözlərinə görə, bu krediti cəlb etməklə Bank Standard ümumi kapitalı 80 milyon manatadək artacaq.
"Həmin vəsaitin iri korporativ layihələrin və riteyl xidmətlərin, o cümlədən bizdə çox aktiv inkişaf edən avtomobil kreditləşməsinin inkişafının maliyyələşdirilməsinə və infrastruktur layihələrin kreditləşdirilməsinə yönəldilməsi planlaşdırılır", - Kriman deyib.
Bank Standart 1995-ci ildə yaradıldığı vaxtdan əsasən fiziki şəxslərə xidmətlərin göstərilməsi üzrə ixtisaslaşmış pərakəndə bank kimi fəaliyyət göstərib. Bank Standart 2004-cü ildən başlayaraq adını dəyişməsi prosesi ilə paralel öz inkişaf konsepsiyasına yenidən baxıb və indi Azərbaycan bazarında eyni zamanda fiziki şəxslərə istiqamətlənmiş həm universal kommersiya bankı, həm də iqtisadiyyatın real sektoruna xidmətlər göstərən bank kimi fəaliyyət göstərir.
Dekabrın 2-nə olan rəsmi məzənnə 0,7865 AZN/USD təşkil edir.