...

Azərbaycan sığortaçısı regionlarda nümayəndəlik şəbəkəsini genişləndirir

Biznes və iqtisadiyyat xəbərləri Materials 13 Fevral 2012 14:47 (UTC +04:00)

Trend-i buradan izləyin

Azərbaycan, Bakı, 13 fevral / Trend, müxbir A.Axundov /

Azərbaycanın "Atəşgah" sığorta şirkəti ölkə regionlarında nümayəndəlik şəbəkəsini genişləndirməyi planlaşdırır. Bu barədə bazar ertəsi Trend-ə şirkətdən məlumat verilib.

2012-ci ildə şirkətin Kürdəmirdə, Qazaxda, Zaqatalada və ölkənin başqa regionlarında satış ofislərinin açılması planlaşdırılır.

"Nümayəndəlik şəbəkəsinin inkişafı şirkətin fəaliyyətinin əsas istiqamətidir", - məlumatda deyilir.

Belə planlar "Atəşgah" şirkətinin iştirakçılarından biri olduğu İcbari Sığorta Bürosunun iştirakçılarına əlavə tələblərin tətbiqindən irəli gəlir.

2012-ci il iyulun 1-dən qüvvəyə minən həmin tələblərə əsasən, sığorta edən işğal edilmiş ərazilərdən başqa, ölkənin on iqtisadi regionunun heç olmasa rayonlarından və ya şəhərlərindən birində zərərin ödənilməsi üçün lazım olan bütün imkanlara malik filial və ya nümayəndəliyə sahib olmalıdır.

Filial və nümayəndəliklər aşağıdakı iqtisadi rayonlarda açılmalıdır: Abşeron, Aran, Dağlıq Şirvan, Gəncə-Qazax, Quba-Xaçmaz, Lənkəran, Naxçıvan, Kəlbəcər-Laçın, Şəki-Zaqatala və Dağlıq Qarabağ.

Bu gün "Atəşgah" SŞ Gəncə, Lənkəran, Xaçmaz və Şəkidə nümayəndəliklərə malikdir.

"Atəşgah" Sığorta Şirkəti 1996-cı ilin sonunda təsis edilib.

"Atəşgah" SŞ və "Atəşgah Həyat" SŞ "Atəşgah" Sığorta Qrupuna daxildir.

"Atəşgah" SŞ müştərilərə 20-dən artıq sığorta növü üzrə xidmətlər göstərir.

Xəbər lenti

Xəbər lenti