Azərbaycan, Bakı, 22 fevral /Trend, müxbir A.Axundov/
Azərbaycanın "Paşa Sığorta" sığorta şirkətinin 2011-ci ilin ilk doqquz ayı ərzində avtomobil vasitələrinin sığortası üzrə yığımları 1,55 milyon manat təşkil edib ki, bu da ötən il həyata keçirilən bütün yığımların 15 faizə yaxınını təşkil edib. Bu barədə Trend-ə şirkətdən çərşənbə günü məlumat verilib. Bu növ üzrə ödənişlər 490,73 min manat təşkil edib.
2011-ci ildə şirkət 10,5 milyon manat vəsait toplayıb ki, bu da 2010-cu ildəki göstəricidən 19,5 faiz azdır. 2011-ci ildə ödənişlər 9,84 faiz azalaraq 2,2 milyon manat təşkil edib.
Şirkət hava-nəqliyyat vasitələrinin sığortasından 47 845,4 manat ödənişlə 710 551,20 manat, dəniz gəmilərinin sığortasından ödənişsiz 396 729,7 manat, 82 066,8 manat ödənişlə əmlak sığortasının başqa növləri üzrə 5 264 021,1 manat, 41 815,58 manat ödənişlə yüklərin sığortasından 84 591,04 manat, 1 442 692,54 manat üzrə tibbi sığortadan 2 278 346,09 manat, 14 576,81manat ödənişlə vətəndaş məsuliyyətinin sığortasından 578 729,02 manat yığıb.
2011-ci ildə "Paşa Sığorta" SŞ nəqliyyat vasitələri sahiblərinin vətəndaş məsuliyyəti icbari sığortasından 13 107,6 manat mükafat toplayıb və 16 856 manat ödəniş ödəyib. Yanğından icbari sığorta üzrə 3 367,39 manat ödənişlə 190 709,03 manat, icbari ekoloji sığorta üzrə ödənişsiz 3 068 manat, sərnişinlərin icbari sığortası üzrə ödənişsiz 42 376,32 manat mükafat toplayıb.