Azərbaycan, Bakı, 29 fevral /Trend, müxbir A.Axundov/
Dünya Bankının (DB) sosial müdafiənin inkişafı layihəsi üzrə missiyası Bakıda səfərdədir. Bu barədə çərşənbə günü Trend-ə DB-nin Bakı nümayəndəliyindən bildiriblər.
Layihə rəhbəri Anastasiya Aleksandrovanın rəhbərlik etdiyi missiya fevralın 28-də başladığı işi martın 8-ə qədər davam etdirəcək.
"Missiya icmal xarakteri daşıyır", - nümayəndəlikdən qeyd ediblər.
Qeyd edək ki, DB və Azərbaycan arasında "Azərbaycanda sosial müdafiənin inkişafı" layihəsi üzrə kredit sazişinin imzalanması 2008-ci ilin noyabrında baş tutub. Layihənin dəyəri 54,6 milyon dollar təşkil edir.