Azərbaycan, Bakı, 9 mart /Trend, müxbir A.Axundov/
Nəqliyyat sahəsindəki layihələrin rəhbəri Jak Bürenin başçılığı ilə Dünya Bankının (DB) missiyası bu gün Azərbayanda həyata keçirilən yol layihələrinin icmalına başlayıb. Bu barədə cümə günü Trend-ə DB-nin Bakı nümayəndəliyindən məlumat veriblər.
Missiya işini martın 16-a qədər davam etdirəcək.
Bankın missiyası Bakı-Şamaxı-Muğan avtomobil yolunun genişləndirilməsi layihəsi çərçivəsində ikizolaqlı yoldan dördzolaqlı yola keçilməsi və Ələt-Masallı üçüncü magistralının və Hacıqabul-Bəhramtəpə yolunun modernləşdirilməsini də əhatə edən ikinci yol layihəsindəki işlərin gedişatı ilə tanış olacaq.