Azərbaycan, Bakı, 25 aprel /Trend, müxbir Ə.Həsənov/
Bolqarıstanın Baş naziri Boyko Borisovun başçılıq etdiyi nümayəndə heyətinin Bakıya rəsmi səfəri çərçivəsində aprelin 27-də Azərbaycan-Bolqarıstan işgüzar görüşü keçiriləcək. Bu barədə çərşənbə günü Trend-ə Azərbaycanda İxracın və İnvestisiyaların Təşviqi Fondundan (AZPROMO) məlumat verilib.
Bolqarıstanın nümayəndə heyətinin tərkibinə 11 nəfər daxil olacaq. Onlar tikinti, nəqliyyat, əczaçılıq, logistika, quşçuluq, üzümçülük, süd istehsalı, çay və kofe satışı, qızılgül yağı istehsalı və başqa sahələri təmsil edəcəklər.
Biznes görüşdə 30-a yaxın adam iştirak edəcək.
Qeyd edək ki, iki ölkənin iş adamlarının son görüşü 2011-ci ilin sentyabrında Bakıda keçirilib.
