Azərbaycan, Bakı, 4 may /Trend/
İyun ayının 27-də "AtaBank" ASC-nin səhmdarlarının 2011-ci ilin yekunlarına həsr olunmuş növbəti ümumi yığıncağı keçiriləcək. Trend-in məlumatına görə, bu barədə bankın cümə günü yaydığı məlumatda deyilir. Tədbir saat 11-də Ş.Bədəlbəyli küç., 102 ünvanında bankın baş ofisində olacaq.
İclasda səhmdarlar tərəfindən bankın İdarə Heyəti və Müşahidə Şurasının hesabatı, 2011-ci il üzrə kənar auditor tərəfindən təsdiqlənmiş audit hesabatının təsdiqi, xalis mənfəət hesabına ehtiyatların yaradılması, dividentlərin ödənilməsi, həmçinin nizamnamə kapitalının artırılması və digər məsələlər müzakirə olunacaq.
Qeyd edək ki, "AtaBank" ASC 1993-cü ildən fəaliyyət göstərir. Hazırda Bakıda və respublikamızın müxtəlif regionlarında bankın 24 filial və şöbəsi fəaliyyət göstərir. 2011-ci ilin yekunlarına əsasən bankın xalis aktivləri 231.0 mln. manat, kredit portfeli 147.0 mln. manat, müddətli depozit portfeli 163.0 mln. manat məcmu kapitalı isə 30.0 mln. manat təşkil edib.