Azərbaycan, Bakı, 30 may /Trend, müxbir E.İsmayılov/
"Azərbaycan Hava Yolları" QSC bu il iyunun 1-dən oktyabrın 27-dək Bakı-Qəbələ aviareysini açmağı planlaşdırır. Bu barədə Trend-ə çərşənbə günü QSC-dən məlumat verilib.
Aviareys cümə və bazar günləri həyata keçiriləcək.
Təyyarə Bakıdan yerli vaxtla saat 17:45-də uçacaq, Qəbələdə saat 18:30-da yerə enəcək. Qəbələdən saat 19:10-da uçan təyyarə Bakıya saat 19:55-da enəcək.
Reyslər АTR-72 avialayneri ilə həyata keçiriləcək.
Bir istiqamətə biletin qiyməti 48 manatdır.