Azərbaycan, Bakı, 21 iyun /Trend, müxbir Ə.Həsənov/
İslam İnkişaf Bankının (İİB) Azərbaycanın sosial və iqtisadi inkişafına töhfəsini qiymətləndirmək məqsədilə bankın layihələrin səmərəliliyinin qiymətləndirilməsi üzrə missiyası iyunun 27-dək ölkədə olacaq. Bu barədə cümə axşamı Trend-ə bankın Bakı ofisindən bildiriblər.
"Qiymətləndirmə İİB-in özəl və dövlət sektorlarındakı layihələrini əhatə edəcək", - bankdan deyiblər.
Missiyanın səfəri çərçivəsində layihələrin həyata keçirilməsi zamanı yaranan çətinliklər müzakirə ediləcək, müvafiq tövsiyələr veriləcək, habelə, gələcək əməkdaşlıq üzrə planlar və perspektivlər müzakirə olunacaq.
Missiyaya İİB-in aparıcı mütəxəssisi Əbdül Həmid Bəşir başçılıq edəcək.
Missiyanın işinin yekunları üzrə müvafiq hesabat hazırlanacaq. Hesabat görüşün yekunları ilə bağlı məlumatları əks etdirəcək.