Azərbaycan, Bakı, 3 iyul /Trend, müxbir A.Axundov/
Rusiyanın "Soqlasiye" Sığorta Şirkəti" MMC-nin (ООО "Страховая компания "Согласие") nümayəndəliyi Azərbaycanda dövlət qeydiyyatından keçib. Trend-in məlumatına görə, bu barədə çərşənbə axşamı Azərbaycan Vergilər Nazirliyinin rəsmi saytının "bir pəncərə" bölməsində yerləşdirilən məlumatda deyilir.
Rəsmi nümayəndə qismində Emin Aslanov çıxış edir.
Nümayəndəlik iyunun 19-da vergi orqanlarında dövlət qeydiyyatından keçib.
Aslanov çərşənbə axşamı Trend-ə bildirib ki, şirkət artıq Azərbaycanda korporativ müştərilərlə işləyir və nümayəndəliyin açılmasında əsas məqsəd ölkədə fəaliyyətin genişləndirilməsidir.
Şirkət Rusiyada artıq 18 ildir uğurla fəaliyyət göstərir.