Azərbaycan, Bakı, 6 iyul /Trend, müxbir A.Axundov/
"Atəşgah Həyat" sığorta şirkətinin idarə heyətinin sədri Əkbər Mədətli hesab edir ki, Azərbaycanın həyat sığortası bazarı 2012-ci ildə 1/3 dəfə arta bilər. O, bu barədə cümə günü Trend-ə bildirib.
Azərbaycanda həyat sığortası ilə məşğul olmaq hüquqi olan üç şirkət - "Paşa Həyat", "Atəşgah Həyat" və "Qala Həyat" - 2012-ci ilin yanvar-may aylarında həyat sığortasının bütün növləri üzrə 20,62 milyon manat toplayıb ki, bu da ötən ilin analoji dövr göstərcisindən 55,3 faiz çoxdur. 2011-ci ildə yığımlar 22,55 milyon manat olub.
"Biz gözləyirik ki, bazar 2012-ci ildə təqribən 30 milyon manat mükafat toplayacaq. Yığımların yarısından çoxunun icbari sığortanın payına düşəcəyinə baxmayaraq, bu, bazar üçün yaxşı göstəricidir", - Mədətli deyib.
Onun sözlərinə görə, rəhbərlik etdiyi şirkət bazarın 30 faiz payına sahib olmağa istiqamətlənib.
