İyulda Azərbaycanın bank sektorunun kapitallaşması artıb

Azərbaycan, Bakı, 7 sentyabr /Trend, müxbir A.Axundov/

İyul ayında Azərbaycanın bank sektorunun kapitallaşması 2,04, ilin əvvəli ilə müqayisədə isə 7,09 faiz artaraq avqustun 1-nə 2268,6 milyon manat təşkil edib. Trend-in məlumatına görə, bu barədə Azərbaycan Mərkəzi Bankının (AMB) statistik hesabatında deyilir.

AMB-nin məlumatına görə, kapitalı 10 milyon manatı üstələyən bankların sayı iyul ayının yekunları üzrə 39 ədəd təşkil edib. Bu, əvvəlki ayla müqayisədə 1 ədəd, 2011-ci ilin sonuna nisbətən isə 3 ədəd azdır.

İyulda bu kateqoriyadan olan bankların ölkənin bütün banklarının kapitalının məcmu həcmində xüsusi çəkisi 99 faiz təşkil edib. İyun ayı ilə müqayisədə bu göstərici 99 faiz, ilin əvvəlinə nisbətdə isə 99,5 faiz olub.

İki bankın kapitalı (0,2 faiz xüsusi çəki ilə) 5-10 milyon manat arasında formalaşdırılıb, 1 bankın kapitalı (0,2 faiz) 3,5-5 milyon manat arasındadır, daha bir bankın kapitalı isə 3,5 milyon manatadəkdir.