Azərbaycan, Bakı, 12 oktyabr /Trend, müxbir A.Axundov/
Cari ilin yanvar-sentyabr aylarında qanunsuz tutulan təxminən 3 min hektar ərazi Azərbaycan bələdiyyələrinin mülkiyyətinə qaytarılıb. Trend-in məlumatına görə, bu barədə cümə günü jurnalistlərə Ədliyyə Nazirliyi yanında Bələdiyyələrlə İş üzrə Mərkəzin rəhbəri Mehdi Səlimzadə bildirib.
Onun sözlərinə görə, qanunsuz tikililərlə mübarizəni təkcə bələdiyyələr deyil, digər strukturlar da aparmalıdır.
"Əgər bələdiyyələr qanunsuz tikililərin inşasına icazə verirlərsə, biz bu qərarı ləğv edirik. Əgər tikili heç bir sənəd olmadan inşa edilirsə, buna hüquq-mühafizə orqanları və digər müvafiq dövlər strukturları müdaxilə etməlidirlər", - Səlimzadə qeyd edib.