...

USAID Azərbaycanda layihələrin dəstəklənməsi üçün prioritetləri müəyyənləşdirib

Biznes və iqtisadiyyat xəbərləri Materials 23 Oktyabr 2012 14:41 (UTC +04:00)

Azərbaycan, Bakı, 23 oktyabr/Trend, müxbir A. Axundov/

ABŞ Beynəlxalq İnkişaf Agentliyi (USAID) Azərbaycan üçün yeni layihələr hazırlayıb. Trend-in məlumatına görə, bu barədə çərşənbə axşamı jurnalistlərə USAID-in Azərbaycandakı missiyasının direktoru Maykl Qrin deyib.

"Biz əsasən, Azərbaycan iqtisadiyyatının şaxələndirilməsinə istiqamətlənmiş layihələri dəstəkləməyə üstünlük veririk. Layihələr inkişafın əsas istiqamətləri kimi dövlət başçısı tərəfindən müəyyənləşdirilib. Biz bu baxımdan cəlbedici və potensialı olan kənd təsərrüfatı istiqamətinə, emal ilə məşğul olan kiçik fermerlərə, sahibkarlara texniki gömək və maliyyə dəstəyi göstərməyə xüsusi yer ayıracağıq", - USAID missiyasının rəhbəri qeyd edib.

Onun sözlərinə görə, ölkədə biznes sahəsinin inkişafı üçün qanunvericiliyin təkmilləşdirilməsinə, xüsusilə Rəqabət Məcəlləsinin qəbuluna ehtiyac var.

"USAID-in Azərbaycanda kənd təsərrüfatının inkişafı sahəsindəki layihələri artıq bir neçə ildir həyata keçirilir, lakin yeni planlaşdırılan layihələrin reallaşdırılması məqsədi ilə biz böyük diqqət ayırcağımız yarımsektorlar müəyyənləşdirməyə başlamışıq. Xüsusən, süd məhsulları istehsalı, balıqçılıq, meyvə və qoz istehsalı sahəsində", - Qrin vurğulayıb.

Məqalədə:
Xəbər lenti

Xəbər lenti