...

İcbari tibbi sığortanın tətbiqi Azərbaycan sığorta bazarının strukturunu ciddi şəkildə dəyişdirəcək

Biznes və iqtisadiyyat xəbərləri Materials 30 Yanvar 2013 16:55 (UTC +04:00)

Azərbaycan, Bakı, 30 yanvar /Trend, müxbir A.Axundov/

Azərbaycanın sığorta bazarının strukturu icbari tibbi sığortanın tətbiqi ilə ciddi şəkildə dəyişəcək. Maliyyə Nazirliyi yanında Dövlət Sığorta Nəzarəti Xidmətinin rəhbəri Namiq Xəlilov bildirib.

"Yaxın vaxtlarda bazarın strukturunda güclü dəyişiklik olmayacaq. Bu gün bu strukturda ciddi dəyişiklik üçün əsas yoxdur. Bazar icbari tibbi sığortanın tətbiqi ilə ciddi şəkildə dəyişməyə başlayacaq. Bu, həm bazarın həcminə, həm də strukturuna təsir edəcək", - çərşənbə günü Xəlilov Trend-ə deyib.

Onun sözlərinə görə, könüllü kənd təsərürfatı sığortasının inkişafı üçün müəyyən potensial mövcuddur.

"Biz bu gün kənd təsərrüfatı istehsalçıları tərəfindən böyük marağın olduğunu deyə bilmərik, lakin digər tərəfdən, fermerlərin kreditləşdirilməsi sisteminin gələcək inkişafı həmin fermerləri sığorta münasibətlərinə də cəlb edəcək. Bu istiqamətdə perspektiv proqramlar var. Bu, birinci mərhələdə kreditlərlə (həmçinin dövlətin, bankların, bank olmayan kredit təşkilatlarının güzəştli kreditləri) bağlı olacaq, lakin gələcəkdə müstəqil inkişaf edə bilər. İcbari tibbi sığorta və könüllü kənd təsərrüfatı sığortası bazarın yaxın üç-beş il ərzində ciddi artım gözləyə biləcəyimiz iki seqmentidir", - Xəlilov bildirib.

Məqalədə:
Xəbər lenti

Xəbər lenti