...

Azərbaycan iqtisadiyyatına yatırılan xarici investisiyalar il ərzində 40 faizdən çox artıb

Biznes və iqtisadiyyat xəbərləri Materials 20 İyul 2013 14:17 (UTC +04:00)

Trend-i buradan izləyin

Azərbaycan, Bakı, 20 iyul /Trend, müxbir E.Əliyev/

2013-ci ilin yanvar-iyun aylarında Azərbaycan iqtisadiyyatına qoyulan xarici investisiyaların ümumi həcmi 1850,1 milyon manat təşkil edib ki, bu da ötən ilin müvafiq dövrünə nisbətən 41,4 faiz çoxdur. Trend-in məlumatına görə, bu barədə Dövlət Statistika Komitəsinin hesabatında deyilir.

Xarici ölkələr və beynəlxalq təşkilatlar tərəfindən yanvar-iyun aylarında Azərbaycan iqtisadiyyatına yatırılan investisiyaların 86,4 faizi (1598,3 milyon manat) Böyük Britaniya, ABŞ, Yaponiya, Norveç, Türkiyə, Çexiya investorlarının payına düşür.

Əvvəlki kimi Böyük Briyaniya liderlik mövqeyini qoruyur. Onun xarici investisiyaların ümumi həcmində xüsusi çəkisi 40,3 faiz, investisiyaların özü isə 746,5 milyon manat təşkil edib.

ABŞ investisiyaları 228,5 milyon manat (12,4 faiz xüsusi çəki), Norveç - 208,1 milyon manat (11,2 faiz), Yaponiya - 173,4 milyon manat (9,4 faiz), Çexiya - 129,1 milyon manat (7 faiz), Türkiyə - 112,6 milyon manat (6,1 faiz), Fransa - 58,6 milyon manat (3,2 faiz), Rusiya və İran - hər biri 46,5 milyon manat (2,5 faiz) təşkil edib.

Beynəlxalq maliyyə institutlarından ən böyük investisiya həcmi Dünya Bankı tərəfindən qoyulub (3,6 faiz xüsusi çəkidə 66,1 milyon manat). Asiya İnkişaf Bankı yanvar-iyun aylarında Azərbaycanda layihələrin reallaşdırılmasına 23,3 milyon manat (1,3 faiz), İslam İnkişaf Bankı isə 1,09 milyon manat ayırıb.

Məqalədə:
Xəbər lenti

Xəbər lenti