Azərbaycan, Bakı, 3 sentyabr /Trend, müxbir T.Cəfərov/
Əfqanıstanın təbii sərvətlər və neft naziri Vahidullah Şahraninin Azərbaycana səfəri bu gün, sentyabrın 3-də axşam saatlarında başlayacaq. Bu barədə Trend Əfqanıstan İslam Respublikasının Azərbaycandakı səfirliyinə istinadən məlumat verir.
Məlumata əsasən, Şahraninin Azərbaycan rəsmiləri ilə görüşləri sentyabrın 4-də keçiriləcək.
Qeyd edək ki, əfqanıstanlı nazirin Bakıya səfəri zamanı Azərbaycan və Əfqanıstan hökumətləri arasında energetika sahəsində əməkdaşlıq sazişi imzalanacaq.