Azərbaycan, Bakı, 8 oktyabr /Trend, müxbir E.Əliyev/
Rusiya Federasiyasının Mari El Respublikasının şirkətləri Azərbaycan sahibkarları ilə əməkdaşlıq yaratmaq istəyir və adıçəkilən regionunun investisiya layihələrini təqdim edir.
Trend Azərbaycanda İxracın və İnvestisiyaların Təşviqi Fonduna (AZPROMO) istinadən məlumat verir ki, əməkdaşlıq yaratmaq istəyən şirkətlər kimya sənayesi, yüngül sənaye, elektrik avadanlıqlar, tikinti və məişət texnikası, kənd təsərrüfatı, qida sənayesi və nəqliyyat sənayesi sahələrində fəaliyyət göstərirlər.
Ətraflı məlumat üçün Fondun saytına və Rusiyanın Azərbaycandakı Ticarət Nümayəndəliyinə müraciət etmək olar.