Azərbaycan, Bakı, 11 oktyabr /Trend, müxbir E.Əliyev/
Azərbaycanda qızıl istehsalçısı olan "Anglo Asian Mining plc" şirkəti Gədəbəy kompleks mədənindən hasilatın həcmi üzrə hesablamanı dəyişib. Bu barədə Trend cümə günü şirkətin yaydığı məlumata istinadən xəbər verir.
Məlumata görə, şirkət kəşfiyyat işlərinin aparılmasından sonra yataqdan 1 ton filizdən 0,783 qram qızıl və ya ümumilikdə 1,1 milyon unsiya hasil edəcək.
Şirkət, həmçinin bəyan edib ki, mədənin xidmət müddətini və ehtiyatını artırmağı planlaşdırır: "Hazırda mədənin ehtiyatı 744 038 unsiya qızıl təşkil edir".
Məlumatda deyilir ki, III rübdə mədəndə 20 242 unsiya qızıl hasil edilib ki, bu da ötən ilin müvafiq dövrünün göstəricisindən (14 044) 44 faiz çoxdur: "İstehsal həcminin artması qızıl emalı zavodunun istifadəyə verilməsi ilə əlaqədardır".