Azərbaycan, Bakı, 28 oktyabr /Trend, müxbir E. Əliyev/
Azərbaycan İranla sərhəddə "Xudafərin" gömrük-buraxılış məntəqəsinin bərpa edilməsində maraqlıdır. Trend-in məlumatına görə, bu barədə bazar ertəsi jurnalistlərə Dövlət Gömrük Komitəsinin (DGK) sədri Aydın Əliyev yeni sərhədyanı gömrük postlarının açılması perspektivləri haqqında sualı şərh edərkən bildirib:
"Biz bu məntəqənin bərpa edilməsinin tərəfdarıyıq. Azərbaycan bu ideyanın təşəbbüskarıdır. Hazırda hər hansı nəticədən danışmaq tezdir, danışıqlar aparılır. Bu məsələnin həll edilməsi üçün iki ölkənin razılığı olmalıdır".
O əlavə edib ki, Azərbaycan gömrüyü diqqəti mövcud gömrük məntəqələrinin modernləşdirilməsinə yönəldib.