Azərbaycan, Bakı, 4 noyabr /Trend, müxbir E.Əliyev/
Dövlət Sosial Müdafiə Fondu (DSMF) 2014-cü ildə büdcədənkənar təşkilatlardan daxilolmaların artımını proqnozlaşdırır. Trend-in məlumatına görə, bunu bazar ertəsi DSMF-nin sədr müavini Elman Mehdiyev Milli Məclisin 5 komitəsinin (İqtisadi, Sosial, Aqrar siyasət, Təhlükəsizlik məsələləri, Təbii resurslar, enerji və ekologiya məsələləri komitələri) geniştərkibli iclasında 2014-cü ilin dövlət büdcəsi layihəsinin müzakirəsi zamanı deyib.
Onun sözlərinə görə, gələn il üçün DSMF-nin gəlirləri ümumilikdə 2,928 milyard manat səviyyəsində proqnozlaşdırılır ki, bu da cari ilin müvafiq göstəricisini 11,2 faiz üstələyir.
E.Mehdiyev bildirib ki, gələn il dövlət büdcəsindən DSMF-nin büdcəsinə transfetlərin həcminin azaldılması planlaşdırılır: "DSMF-nin ümumi gəlirlər strukturunda dövlət büdcəsindən transfertlərin xüsusi çəkisi 38,9 faiz təşkil edir ki, bu da 2013-cü ilin göstəricisindən 2 faiz aşağıdır".