Azərbaycan, Bakı, 4 mart /Trend, müxbir E.Əliyev/
Azərbaycanda təmin edilmiş sövdələşmələr sahəsində qanunvericiliyi yeniləməyə ehtiyac var. Bu barədə Avropa Yenidənqurma və İnkişaf Bankının (AYİB) ölkədə fəaliyyət strategiyasının layihəsində deyilir.
Strategiya üç il müddətinə nəzərdə tutulub və 2014-cü ildən 2017-ci ilədək olan dövrü əhatə edir.
Sənəddə deyilir: "Təmin edilmiş kreditorların hüquqlarına riayət edilməsinin təminatının sonrakı inkişafı, ikimənalıqların və məhdudiyyətlərin aradan qaldırılması, həmçinin kredit bürosunun əməliyyatlarının artmasına imkan verəcək hüquqi dəstəyin yaradılması Azərbaycanda maliyyələrə çıxışın artmasına ciddi töhfə verəcək".
AYİB mütəxəssisləri hesab edirlər ki, "Müflisləşmə və iflas haqqında" qanuna [1997-ci ildə qüvvəyə minib] geniş şəkildə yenidən baxmaq böyük fayda verəcək.
Strategiyanın layihəsində deyilir: "Ləğvetmə üzrə müddəalar kifayət qədər adekvatdır, amma qanun yenidən təşkil üçün məhdud çərçivələr təklif edir".
