Azərbaycan, Bakı, 3 iyul /Trend, müxbir Zülfiyyə Qurbanova/
2014-cü il mayın 1-nə olan məlumata görə, Azərbaycanın bank sektorunun kapitallaşması 2013-cü ilin mayın sonuna olan göstəricilərə nisbətən 32,4 faiz artaraq iyunun 1-də 3,672 milyard manat təşkil edib. Trend-in məlumatına görə, bu barədə Azərbaycan Mərkəzi Bankının (AMB) statistik hesabatında deyilir.
AMB-nin məlumatına görə, kapitalı 10 milyon manatdan çox olan (Mərkəzi Bankın qüvvədə olan normativ tələbləri) bankların sayı hesabat dövrünün yekunları üzrə 42 ədəd təşkil edib ki, bu da 2013-cü il martına sonuna olan göstərici ilə müqayisədə 1 ədəd çoxdur. Ölkənin bütün banklarının ümumi kapitalının həcmində bu kateqoriyadan olan bankların xüsusi çəkisi qeyd edilən dövrün yekunları üzrə 99,7 faiz təşkil edib. Hesabat dövrünün yekunları üzrə ölkənin bütün banklarının məcmu kapitalında bu bankların həmin kateqoriyalar üzrə xüsusi çəkisi 0,2 və 0,1 faiz olub.
Bir bankın kapitalı 5-10 milyon manat, bir bankın kapitalı isə 3,5-5 milyon manatdan beş milyon manata qədər səviyyədə formalaşıb. Hesabat dövrünün yekunları üzrə ölkənin bütün banklarının məcmu kapitalında bu bankların həmin kateqoriyalar üzrə xüsusi çəkisi 0,2 və 0,1 faiz olub.
2014-cü ilin sonuna AMB-nin bankların məcmu kapitalının minimum həcminə qarşı tələbi 50 milyon manat səviyyəsində müəyyənləşib.
