...

İqtisadiyyat və Sənaye Nazirliyi bir sıra lisenziyaları ləğv edəcək

Biznes və iqtisadiyyat xəbərləri Materials 16 Oktyabr 2015 11:43 (UTC +04:00)
Bir sıra lisenziyaların ləğv edilməsi təklif olunacaq.
İqtisadiyyat və Sənaye Nazirliyi bir sıra lisenziyaları ləğv edəcək

Azərbaycan, Bakı, 16 oktyabr /Trend/

Bir sıra lisenziyaların ləğv edilməsi təklif olunacaq. Bu barədə Trend-ə İqtisadiyyat və Sənaye Nazirliyinin mətbuat xidmətindən məlumat verilib.

Prezident İlham Əliyevin biznes mühitinin daha da yaxşılaşdırılması barədə verdiyi tapşırıqların icrası olaraq, İqtisadiyyat və Sənaye Nazirliyinin dünən keçirilmiş geniş kollegiya iclasında Nazirlik tərəfindən verilən əlvan metal, tərkibində qiymətli metallar və daşlar olan sənaye və istehsalat tullantılarının tədarükü, emalı, satışı və əmtəə birjası fəaliyyətinə lisenziyaların xüsusi razılıq (lisenziya) tələb edilən fəaliyyət növlərinin siyahısından çıxarılması barədə təkliflərin verilməsi qərara alınıb.

Bununla yanaşı, xüsusi razılıq (lisenziya) tələb edilən fəaliyyət növlərinin siyahısına yenidən baxılaraq, sayının azaldılması barədə ən qısa zamanda təkliflərin hazırlanması barədə qərar qəbul edilib.

Qeyd edək ki, bu gün ölkədə 59 fəaliyyət üzrə lisenziya növü mövcuddur.

Məqalədə:
Xəbər lenti

Xəbər lenti