Bakı. Maksim Tsurkov - Trend:
Azərbaycan Müəllif Hüquqları Agentliyi tərəfindən "ÜDM-də müəlliflik hüququ və əlaqəli hüquqlara əsaslanan istehsalın (kreativ iqtisadiyyatın ) rolunun artırılması sahəsində 2016-2018-ci illər üçün Dövlət Proqramı" hazırlanır.
Trend-in məlumatına görə, bunu jurnalistlərə Bakıda keçirilən "Kreativ sənayelərdən faydalanaq: Kreativlik və milli inkişaf" mövzusunda keçirilən beynəlxalq seminarda Müəllif Hüquqları Agentliyinin sədri Kamran İmanov bildirib.
Onun sözlərinə görə, agentlik kreativ iqtisadiyyatla bağlı daim tədqiqatlar aparır və ölkə ÜDM-də onun rolunu müəyyən edir: "Tədqiqatlar göstərir ki, 2001-ci ildə Azərbaycan ÜDM-də kreativ iqtisadiyyatın payı 1,1 faiz təşkil edirdisə, indi bu rəqəm 5 faizə qədər artıb".