Bakı. Ənvər Məmmədov - Trend:
"Mətanat-A" şirkəti Azərbaycanda əhəng istehsalı zavodu tikəcək.
Trend-in məlumatına görə, bunu jurnalistlərə şirkətin prezidenti Elxan Bəşirov deyib.
Onun sözlərinə görə, zavod Qazaxda tikiləcək.
E.Bəşirov qeyd edib ki, zavodun istehsal gücü ildə 90 min ton təşkil edəcək, onun tikintisi 250 yeni iş yerinin açılmasına imkan verəcək:
"Sərmayələrin ilkin həcmi 15 milyon manat olacaq. İstehsal edilən məhsul qismən ixrac ediləcək".